Comunicacións

Co obxectivo de ampliar e enriquecer os contidos do congreso, convidamos a investigadorxs e activistas nos temas dos xéneros, dos museos, da arte e da educación, a compartiren connosco as súas experiencias e traballos. Dos documentos recibidos, serán seleccionados para a súa publicación aqueles que fagan referencia aos relatorios e presentacións vistos nas xornadas.

Os documentos terán formato de word (doc, docx), nun máximo de 3 páxinas de extensión en letra Arial de 12 p. a 1,5 de interliñado. Poderanse acompañar de 3 imaxes (resolución mínima de 300 ppp) en formato dixital (jpg, tiff, png) axeitadamente identificadas co número, autoría e pé de foto en documento aparte.

Serán aceptados tamén documentos audiovisuais en formato mp4, avi, de alta resolución, cunha duración máxima de 5 min. Agradecerase a inclusión de créditos e a descrición de imaxes (autoría e título).

En ámbolos dous casos, achegarase unha páxina adicional co título da comunicación, o nome dx autorx, email, un resumo 50 a 100 palabras cos aspectos máis relevantes do artigo, e máis 5 palabras ou termos clave.

O material será enviado (directamente ou vía https://wetransfer.com/) xunto cos datos persoais (nome completo, DNI, enderezo postal e electrónico e número de teléfono), a xenerosRMP@gmail.com.